تحذير لكل الأمهات والاباء احذروا 🔴 حالة وفاة جديدة لطفل بسبب المضادات الحيوية
تحذير لكل الأمهات والاباء احذروا 🔴 حالة وفاة جديدة لطفل بسبب المضادات الحيوية
توفى اليوم نجل الاستاذة اميرة بسبب كثرة تناول المضادات الحيوية ودى حالة حقيقية وهتبدأ تظهر بمعدلات اكتر طول مافيه وهى سوء وكثرة استخدام للمضادات الحيوية ..حالة وفاة هى فى الأصل بيشارك فيها قلة وعى المجتمع وعدم الاهتمام من وزارة الصحة أو رقابتها ..
جاء طفل ست سنوات عنده إلتهاب رئوى وإرتفاع مستمر في درجة حرارة عالية
مر على ثلاث من الاطباء اعطاه كل طبيب بمضاد حيوي مختلف ،،
مع تنويع ما بين حقن وشراب، وال********* لازالت مستمرة ،
كشفت على الطفل طلبت من الأب عمل تحليل دم ومزرعة بول ، وظهرت النتيجة ، وكانت مرعبة
حالة klebsiella مقاومة لجميع المضادات الحيوية
بلا استثناء إلا مضاد حيوي واحد وناقص في مصر كلها ومفيش وقت حد ي*****ه من برة ومفيش أى أمل بعد ربنا سبحانه وتعالى غير أن مناعة الطفل تقاوم البكتريا وموت الطفل مؤكد بنسبة كبيرة
والد الطفل لم يكن مُستوعب ما حدث, و كان عنده إصرار غريب إن إبنه حيعدى كل ده
كل ما يشوف حد مننا يسأله و يستفسر منه
.
مكنش عاوز يسمع مننا التفاصيل
كان كل إللى عايز يسمعه هو إن إبنه كويس ، مستنى أى كلمة تديله أمل ، الأب كان حرفيا عايش فى حلم منفصل عن الواقع
.
علاج الحالة يتوقف على مقاومة جهاز المناعة فقط
لقيت الراجل بينهار قدامى, شوفته لاول مرة من يوم حجز الطفل بيبكى ، كأنه جبل ووقع مرة واحدة
فضلنا كده كام يوم, لغاية ما الطفل بدأ يحتضر,
بعدها,
الراجل قالي جملة واحدة بس و هو بياخد منى تقرير الوفاة
.
قال: أنا إبنى مماتش النهاردة يا دكتور, إبنى مات فى كل مرة كنت بستستهل وأديله مضاد حيوي
و مشي وسابنى
علشان ندرك أن نتيجة المزرعة دى مرعبة فهى بتبين أن البكتريا بتقاوم كل المضادات الحيوية اللى جنبها علامة غلط ده معناه ان احنا في ***** وان البكتريا مفيش حاجة بتشتغل عليها إلا مضاد حيوي واحد وناقص هو كمان
.
وده نتيجة الاستخدام الخاطئ للمضادات الحيوية
البكتيريا عرفت هو شغال ازاي و طورت نفسها وأصبحت لا تتأثر به يعنى ميقدرش عليها و يأما المناعة تقدر هي و تقاوم يأما الشخص ده و كل ال زيه هيموتوا
والسبب إعطاء المضادات الحيوية بغير داعي ، الإفراط في استخدام المضادات الحيوية ينبئ بكارثة عالمية وطبية لا يعلم مداها إلا الله،،
.
احفظوا النصائح دى واحتفظوا بيها الله يكرمكم
١. أي مضاد حيوي يأخذه الطفل ولم يظهر تأثيره بعد ٤٨ ساعة — يلزم عمل تحاليل سواء (مسحة، مزرعة ، دم) للتشخيص الصحيح للحالة وتغيير المضاد الحيوي في ضوء التحاليل.
٢. ارتفاع درجة ال********* — ليس معناه مضاد حيوي
٣. حساسية الأنف — ليس معناها مضاد حيوي
٤. النزلة المعوية — ليس معناها مضاد حيوي
٥. مغص البطن — ليس معناه مطهر معوي (مضاد حيوي)
٦. الكحة — ليس معناها مضاد حيوي
٧. حساسية الصدر — لا تمت للمضاد الحيوي بصلة
٨. ألم الساقين عند الأطفال — ليس معناه حمى روماتيزمية وحقنة بنسيلين طويلة المفعول شهرياً
٩. ألم الأذن — ليس معناه التهاب الأذن الوسطى ومضاد حيوي
١٠. احمرار العين — ليس معناه قطرة مضاد حيوي
١١. ورم اليد نتيجة خبطة — ليس معناه مرهم مضاد حيوي
١٢. لا يوجد مضاد حيوي يستخدم أقل من أسبوع إلا نوعاً واحداً فقط (Azithromicin)
.
١٣. تكرار الأعراض — ليس معناه نفس التشخيص وبالتالي نفس العلاج ، وتكرار المضاد الحيوي اللي الطفل استراح عليه
١٤. لا يوجد شيء اسمه مضاد حيوي خفيف ومضاد حيوي قوي — كله مضاد حيوي
.
١٥. لا يوجد شيء اسمه ملعقة صغيرة أو ملعقة شاي — لابد من حساب الجرعة ب (مل) بناء على وزن الطفل.
١٦. لا يوجد شيء اسمه الحقن تجيب من الآخر — المنصوص عليه في مراجع الأطفال أن الحقن استخدامها محدود جداً كما في المستشفيات أو تبعاً لنتيجة المزرعة،
.
أما طفل عنده لوز بكتيرية — فنبدأ بالحقن فغلط
١٧. أي مضاد حيوي نبدأ فيه بحقن ثم نكمل على شراب — لازم تكون نفس المادة الفعالة.
١٨. لا يوجد مضاد حيوي شراب لا يرج قبل الاستخدام
١٩. لا يوجد مضاد حيوي يستعمل بعد حله ب 15 يوم
.
٢٠. المضاد الحيوي يحفظ بباب الثلاجة
الكلام السابق يسري على المضاد الحيوي بجميع صوره الحقن والأقراص والشراب والمراهم وقطرات العين والأذن الخ.
المضاد الحيوي نعمة كبيرة من الله لعباده، وهو سلاح ذو حدين إن أحسنتم استخدامه أصابكم نفعه ،، وإن أسأتم استعماله انقلب عليكم ضرره ،،
…
البقاء لله وربنا يرحمهم جميعا
التعليقات متوقفه